अहिले मान्छेलाई गाडीले बोक्छ । तर बिगतमा नेपालमा पर्याप्त सडक संजालको विस्तार भई नसकेको बेलामा त्यहि मान्छे बोक्ने गाडीलाई मान्छेले बोक्थे । मान्छे बोक्ने गाडीलाई नै 'बोकेर ल्याउथे' भन्दा अचेलका पुस्तालाई हाँसो उठ्न सक्छ । तर यो सत्य हो कुनै समय गाडीलाई बोकेर राजधानी उपत्यकामा भित्र्याईने गरिएको थियो ।
राणाकालीन समयमा हेटौडाको भीमफेदीदेखि मार्खु कुलेखानी, चित्लाङ् हुँदै चन्द्रागिरीको बाटो भएर गाडी बोक्ने गरिन्थ्यो । महिनौ दिन लगाएर गाडी बोकेबापत उनीहरुले केहि रकम पाउथे । थानकोटसम्म गाडी पुर्याएपछि उनीहरु त्यहि रकम लिएर आ-आफ्नो घर फर्किन्थे । गाडी बोक्ने मध्ये एक मात्र जीवित (सम्भबत) धनबहादुर गोलेको २ बर्ष अघि निधन भयो ।
तर धेरैलाई कौतुहलता लाग्न सक्छ 'मान्छेलाई बोक्ने गाडी कसरी पो बोकिन्थ्यो होला !' भनेर । यहाँ हामीले दुर्लभ भिडियो प्रस्तुत गरेका छौ ।
हेर्नुस दुर्लभ भिडियो ।
