युद्व अपराधमा दोषी मानिएका अभियुक्तले अन्तराष्ट्रिय अदालत हेगमा विष खाएपछि सुनुवाई स्थगित भएको छ । स्लोबोदान प्राल्जाकसहित ६ जना बोस्नियन राजनैतिक नेतृत्व तथा सैनिक कमाण्डरहरुको मुद्धामा बुधबार सुनुवाई हुने कार्यक्रम तय गरिएको थियो । स्लोबोदानलाई पूर्वी मोस्टारमा भएको युद्ध अपराधमा दोषी ठहराउँदै सन् २०१३ मा २० वर्षको जेल सजाय सुनाइएको थियो ।
सुनुवाईकै क्रममा स्लोबोदानले ‘मैले विष पिएको छु’ भनेपछि सुनुवाई स्थगन भएको हो । स्लोबोदान उठेर हात उठाउँदै गिलासमा केही पिएको देखेपछि अदालती कारबाही रोकिएको हो । उनका वकिलले उनले विष नै पिएको बीबीसीले जनाएको छ ।
न्यायाधीशले उनले विष पिएको गिलास माग्दै गर्दा कसैले एम्बुलेन्स बोलाएको सुनिएको बीबीसी संवाददाता अन्ना होलिगानले हेगबाट बताएकी छिन। -एजेन्सी