लगातार २ पटक बिश्वकपको फाइनल पुग्ने टोली कुन हुन् ? इटालीले १९३४ र १९३८ मा फाइनल खेल्यो, ब्राजिलले १९५८ र १९६२ मा तथा १९९८ र २००२ मा फाइनल खेल्यो, नेदरल्याण्डले १९७४ र १९७८ को फाइनल खेल्यो , अर्जेन्टिनाले १९८६ र १९९० मा फाइनल खेल्यो । वेस्ट जर्मनीले १९८२ र १९९० को बीचमा लगातार ३ पटक फाइनल खेल्यो । यस क्रममा केहि यस्ता खेलाडी थिए जसले लगातार २ पटक फाइनल खेल्ने अवसर पाए । तर ति सिमित खेलाडी मध्ये एक मात्र यस्ता खेलाडी छन् जसले लगातार २ पटक बिश्वकपको फाइनल खेलमा सहभागिता जनाए तर दुई फरक देशबाट ।
हो बिश्वकपको इतिहासमा एक यस्ता खेलाडी छन् जसले 2 फरक फरक देशबाट लगातार २ पटक फाइनल खेले । त्यस क्रममा एक पटक हार बेहोर्दै उप बिजेतामा सिमित भए भने एक पटक उपाधि पनि जिते । ति खेलाडी हुन् लुइस मोन्टी ।
मोन्टीले १९३० मा अर्जेन्टिनाको टिममा रहेर बिश्वकप खेले । समुह १ मा रहेको अर्जेन्टिना समूह चरणको सबै खेल जित्दै समुह बिजेता बन्दै दोस्रो चरण प्रवेश गर्यो । मोन्टीले फ्रान्स संगको खेलमा एक मात्र निर्णायक गोल पनि गरे । समुह चरणमा अर्जेन्टिनाले चिल्ली , फ्रान्स र मेक्सिकोलाई पराजित गर्यो ।
सेमिफाइनलमा अर्जेन्टिनाले अमेरिकालाई ६-१ गोल अन्तरले पराजित गर्यो । त्यस क्रममा पनि मोन्टीले सुरुवाती गोल गरेका थिए । फाइनलमा भने अर्जेन्टिना उरुग्वे ४-२ गोल अन्तरले परजित गरे । फाइनल खेलमा मोन्टीले गोल गर्न सकेनन ।
त्यसको केहि समयपछि उनी इटालीको नागरिक लिए ।
४ बर्षपछि सन् १९३४ मा इटालीले बिश्वकप आयोजना गर्यो र मोन्टी टोलीमा परे ।
इटालीले पहिलो खेलमा अमेरिकालाई ७-१ ले पराजित गर्दै क्वाटरफाइनलमा पुग्यो । क्वाटरफाइनलमा इटालीले स्पेनलाई थपिएको अतिकृत समयमा पराजित २-१ गोल अन्तरले पराजित गर्यो । सेमिफाइनलमा अस्ट्रियालाई १-० ले परजित गर्दै इटाली फाइनलमा पुग्यो । फाइनल खेलमा चेक्लोस्लोभाकियालाई अतिरिक्त समयमा २-१ ले पराजित गर्दै इटालीले उपाधि जित्यो । मोन्टीले यस प्रतियोगितामा गोल गर्न भने सकेनन । तर लगातार २ पटक छुट्टाछुट्टै टिममा सहभागिता जनाएर फाइनल खेल खेल्ने खेलाडीको रुपमा कीर्तिमान कायम गरे ।
मे १५ तारिख १९०१ मा जन्मेका मोन्टीको ८२ बर्षको उमेरमा १९८३ मा मृत्यु भएको थियो ।
यो पनि :
