नेपाली कांग्रेसको भात्री संगठन नेविसंघका अध्यक्ष नैन सिंह महर यस पटकको बिश्वकप ब्राजिलले जित्नेमा विश्वस्त छन् । महर सुरुवाती समयदेखि नै ब्राजीलको सकर्थक हुन् ।
विश्वकपको सुरुको खेलहरु सामान्य रुपमा घर परिवारसंगै बसेर हेर्ने उनको सोच छ । फाईनलमा भने सामुहिक रुपमा साथीभाईसँग बसेर हेर्ने योजना रहेको छ ।
नैन सिंह महरका नजरमा विश्वकप एउटा खेल मात्र नभई सौहार्दता प्रदान गर्ने एउटा ठुलो पर्व पनि हो । विश्वकपले सारा विश्वलाई नै हामी एक हौँ भन्ने सोचमा पुर्याउने गर्दछ । विश्व विविधिकरणमा जाँदै गरेको समयमा यसले भातृत्वको निर्माण गर्न पनि सहयोग गर्ने उनको विचार छ । महरका अनुसार एउटा देशले आफ्नो पहिचान र खेल कौशल विश्वभरी नै प्रदर्शन गर्न पाउने सुनैलो अवसर पनि हो ।