रसियामा जारी विश्वकप फुटबलमा अहिले पोर्चुगल र मोरक्को भिड्दैछन् । खेल सुरु भएको चौँथो मिनेटमै पोर्चुगलका लागी क्रिष्टियानो रोनाल्डोले गोल गर्दै टिमलाई १–० अग्रता दिलाएका छन् । यस अघि स्पेनसँग भएको खेलमा रोनाल्डोको ह्याट्रिकको मद्दतमा पोर्चुगल हारबाट जोगिएको थियो ।
रोनाल्डोले आज चौथो मिनेटमा गोल गरेसंगै उनको अन्तराष्ट्रिय गोल संख्या ८५ पुगेको छ । रोनाल्डोले १५२ अन्तर्राष्ट्रिय खेलमा ८५ गोल गरेका हुन् । यस संगै उनी सर्बाधिक अन्तर्राष्ट्रिय गोल गर्ने युरोपियन खेलाडी बनेका छन् । साथै उनले फेरेन पुस्कासको नाममा ६२ बर्षदेखि रहेको यस रेकर्ड पनि तोडेका छन् । हंगेरी र स्पेनबाट खेलेका पुस्कासले ८९ खेलमा ८४ गोल गर्दै सर्बाधिक गोल गर्ने खेलाडी बनेका थिए । उनको त्यो रेकर्ड ६२ बर्षसम्म कायम थियो । तर रोनाल्डोले आज त्यो रेकर्ड तोडेका छन् ।
बिश्वकपमा पोर्चुगल समुह बि मा छ । यस समुहमा पोर्चुगल संगै मोरको, स्पेन र इरान छन् ।
पोर्चुगल सन् २०१६ को युरो कप बिजेता समेत हो ।
