रुसमा जारि बिश्वकप फुटबल प्रतियोगिता अन्तर्गत बुधबारको खेलपछि नक आउट चरणमा जाने २ टोलीको टुंगो लागेको छ । समुह ए मा बाट नक आउट चरणमा जाने २ टोलीको टुंगो लागेको हो । यस समुहबाट आयोजक रुस र उरुग्वे नक आउट चरण प्रवेश गरेका छन् । अब रुस र उरुग्वेबीचको खेलले यस समुहको समुह बिजेता तय गरेको छ ।
दुवै टोलीले साउदी अरेबिया र इजिप्टलाई पराजित गर्दै ६ अंक सहित नक आउट चरणको यात्रा पक्का गरेका हुन् ।
समुह बिमा भने नक आउट चरण प्रवेशको लागि ३ टोलीको सम्भावना कायमै छ । बिमा स्पेन र पोर्चुगलको समान ४ अंक भएको छ भने इरानको ३ अंक छ । मोरको प्रतियोगिताबाट बाहिरिएको छ । यी सबै टोलीले एक एक खेल खेल्न बाँकि छ । अब इरानले पोर्चुगल संग तथा स्पेनले मोरकोसंग खेल्ने छ ।
कसको अर्को चरण पुग्ने सम्भावना कति ?
हाल स्पेन र पोर्चुगल समान ४ अंक सहित शिर्ष २ स्थानमा रहेकोले यी दुईको अर्को चरण पुग्ने सम्भावना प्रबल छ । यी दुई टोलीले आफ्नो अन्तिम खेलमा बराबरी खेले वा बिजयी भए यी दुई टोली छनौट हुने छन् र इरान बाहिरिने छ ।
तर पोर्चुगल र इरानबीचको खेल बराबरी भए र मोरकोले स्पेनलाई दुई गोल वा सोभन्दा बढीको अन्तरले पराजित गरे स्पेन बाहिरिने छ । यस्तो अवस्थामा पोर्चुगल इरान छनौट हुने छन् ।
त्यस्तै इरानले पोर्चुगललाई हराएमा र स्पेन विजयी वा बराबरी भएमा इरान र स्पेन अर्को चरणमा पुग्नेछन् भने पोर्चुगल बाहिरिने छ ।
