फिफा बिश्वकप अन्तर्गत आजदेखि समुह चरणका अन्तिम खेलहरु हुनेछन । अन्तिम खेल हुनु अगाडी नै ६ टोली नक आउट चरणमा प्रवेश गरिसकेका छन् । बाँकि १० स्थानको लागि १८ टोलीले अन्तिम चरणमा प्रतिस्पर्धा गर्ने छन् । हरेक टोलीले समुह चरणको ३-३ खेलिसकेपछि हरेक समुहको शिर्ष स्थानमा रहने २ टोली नक आउट चरण प्रवेश गर्ने छन् ।
हालसम्म रसिया, उरुग्वे, फ्रान्स, क्रोएसिया, इंग्ल्यान्ड र बेल्जियम नक आउट चरणमा प्रवेश गरिसकेका छन् । तेस्रो चरणको खेलले बाँकि १० टोलीको टुंगो लगाउने छ ।
समुहचरणको सबै खेल सकिएपछि हरेक समुहमा धेरै अंक हुने २ टोलि नक आउट चरण प्रवेश गर्ने छ । अंक बराबर भए गोल डिफरेन्सको आधारमा टोली छनौट हुन्छ, गोल डिफरेन्स पनि बराबर भए प्रतियोगितामा गरेको कुल गोलको आधारमामा टोली छनौट हुन्छ । त्यसपछि पनि बिजेता निर्क्योल नभए २ टिमबीचको खेल हुँदा खेलमा धेरै अंक पाएको टोली समुह बिजेता हुनेछ । तर यी ४ क्राईटेरियापछि पनि टोली समान रुपमा रहे बाँकि तरिका अपनाईने छ ।
के हुन् ति तरिका ? हेरौ उदाहरण सहित
हाल समुह जीमा यस्तै सम्भावना देखिएको छ । समुह जी बाट बेल्जियम र इंग्ल्यान्ड दोस्रो चरणको लागि छनौट भईसकेका छन् । तर समुह बिजेता टुंगो लाग्न बाँकि छ । बेल्जियम र इंग्ल्यान्डबीचको खेलले समुह बिजेताको टुंगो लाग्ने छ । हाल दुवै टोलीको २ खेलबाट कुल ६ अंक छ, दुवै टोलीले दुवै खेल जितेका छन्, दुवै टोलीको गोल डिफरेन्स +६ छ, दुवैले २ गोल खाएका छन् , दुवैले ८ गोल गरेका छन् । यस्तो अवस्थामा बेल्जियम र इंग्ल्यान्डबीचको खेलले समुह बिजेताको टुंगो लाग्ने छ । तर यो खेल बराबरी भए के हुन्छ ?
यो खेल ०-० को बराबरीमा टुंगिए दुवै टोलीको ७ अंक हुनेछ र गोल डिफरेन्स, गरेको गोल र खाएको गोल सबै समान हुनेछ । त्यसपछि यी दुईबीचको खेल हेरिन्छ, त्यो पनि बराबरी भएको खण्डमा यी दुई टोलीबीचको गोल डिफरेन्स र गरेको गोल हेरिन्छ, खेल ०-० बराबरीमा सकिएकोले त्यो पनि बराबरी हुन्छ ।
अब के गर्ने ? यस्तो जटिल परिस्थितिमा फेयर प्लेमा आएको अंकको आधारमा समुह बिजेता निर्क्योल हुन्छ । यदि बेल्जियम र इंग्ल्यान्डबीचको खेल बराबरीमा टुंगिए दुवै टोलीले खाएको पहेलो कार्ड र रातो कार्डको गणना हुन्छ । एक पहेलो कार्ड बराबर -१ अंक, दोहोरो पहेलो कार्डबाट आएको रातो कार्डको -३, र सिधै आएको रातो कार्डको -४ अंक कायम गरिएको छ । यसर दुवै टोलीको कार्डबाट आएको जोड्दा जसको कम धेरैआउछ, त्यो नै समुह बिजेता हुन्छ । तर कार्डको अंक गणनापछि पनि समुह बिजेता र उप बिजेता टुंगो नलागे फिफाले गोलाप्रथा गरेर छनौट गर्ने छ।
कार्ड गणना गर्दा हाल इंग्ल्यान्डको -२ अंक हुन्छ भने बेल्जियमको -३ । यस आधारमा इंग्ल्यान्ड समुह बिजेता हुन्छ । तर यी दुईबीचको खेलमा इंग्ल्यान्डले २ पहेलो कार्ड र बेल्जियमले १ पहेलो कार्ड पाए दुवैको कुल अंक समान -४ हुन्छ । यस्तो अवस्थामा फिफाले गोलाप्रथाबाट समुह बिजेता निर्धारण गर्न सक्छ ।
यहि प्रक्रिया समुह चरणको बरियता निर्क्योल गर्न प्रयोग हुन्छ ।