रुसमा जारी बिश्वकप फुटबल प्रतियोगिता अन्तर्गत आज बिहिबार समुह चरणका अन्तिम खेलहरु हुदै छन् । जस अन्तर्गत आज समुह समुह जी र समुह एचका गरी ४ खेलहरु हुदै छन् । आज ७:४५ मा जापान र पोल्याण्ड तथा सेनेगल र कोलम्बिया भिड्ने छन् । त्यस्तै राति ११:४५ बजे पनामा र ट्युनिसिया तथा इंग्ल्यान्ड र बेल्जियम भिड्ने छन् ।
पनामा र ट्युनिसिया समुह चरणबाट नै बाहिरी सकेका छन् भने इंग्ल्यान्ड र बेल्जियम नक आउट चरण पुगी सकेका छन् ।
आजका खेलहरुपछि अन्तिम १६ को समीकरण टुंगो लाग्ने छ । हाल सम्म उरुग्वे, रसिया, स्पेन, पोर्चुगल, फ्रान्स , डेनमार्क, क्रोएसिया, अर्जेन्टिना, ब्राजिल , स्वीजरल्याण्ड, स्वीडेन, मेक्सिको, इंग्ल्यान्ड र बेल्जियम अन्तिम १६ मा पुगी सकेका छन् ।
नक आउट चरणमा कसको भिडन्त को संग ?
पहिलो नक आउट चरणको खेल असार १६ गते शनिवार फ्रान्स र अर्जेन्टिना बीच हुनेछ । यो खेल ७:४५ बजे हुनेछ । त्यस्तै १६ गते नै राति ११:४५ मा उरुग्वे र पोर्चुगल भिड्ने छन् ।
१७ गते आइतबार ७:४५् मा स्पेन र रसिया तथा राति ११:४५ मा क्रोएसिया र डेनमार्क भिड्ने छन् ।
१८ गते सोमबार ७:४५ मा ब्राजिल र मेक्सिको भिड्ने छन् । १९ गते मंगलबार स्विडेन र स्विजरल्याण्ड भिड्ने छन् ।
इंग्ल्यान्ड र बेल्जियम नक आउट चरणमा पुगे पनि उनीहरुको एक खेल बाँकि नै छ । त्यहि खेलले समुह बिजेता र उप बिजेताको टुंगो लगाउने छ ।
बेल्जियम र इंग्ल्यान्डको प्रतिद्वन्द्वी समुह एचबाट नक आउट चरण मा पुग्ने टोली हुने छन् । समुह एचमा जापान , कोलम्बिया र सेनेगल मध्ये २ टोली नक आउट चरण पुग्ने छन् ।