रुसमा जारी
बिश्वकप फुटबल प्रतियोगिता अन्तर्गत आज बिहिबार समुह चरणका अन्तिम खेलहरु हुदै छन् । जस अन्तर्गत आज समुह समुह जी र समुह एचका गरी
४ खेलहरु हुदै छन् । आज ७:४५ मा जापान र पोल्याण्ड तथा सेनेगल र
कोलम्बिया भिड्ने छन् । त्यस्तै राति ११:४५ बजे पनामा र ट्युनिसिया
तथा इंग्ल्यान्ड र बेल्जियम भिड्ने छन् ।
समुह एचमा भने
पोल्याण्ड बाहिरिएको छ र अन्तिम १६ मा पुग्नको लागि जापान, सेनेगल र कोलम्बियाको सम्भावना बाँकि नै छ । यी ३ मध्ये २ टोली नक आउट चरणमा पुग्ने छन् ।
हाल समुहको
शिर्ष स्थानमा जापान छ भने सेनेगल दोस्रो स्थानमा छ । दुबैको समान ४-४ अंक छ । तेस्रो स्थानमा रहेको कोलम्बियाको ३ अंक छ । यी ३ वटै टोलीको अर्को चरण पुग्ने वा बाहिरिने
सम्भावना कायम छ ।
कुन टिम कसरि
दोस्रो चरण पुग्छ ?
जापानले आजको
खेलमा पोल्याण्डलाई पराजित गरे वा बराबरी खेले जापान अर्को चरण पुग्ने छ । जापान पराजित भए पनि सेनेगलले कोलम्बियालाई
पराजित गरेको खण्डमा जापान दोस्रो चरण पुग्ने छ ।
त्यस्तै
कोलम्बियाले सेनेगललाई पराजित गरे कोलम्बिया अर्को चरण पुग्ने छ । कोलम्बियाले बराबरी खेले पनि अर्को चरण पुग्न
सक्छ तर त्यसको लागि पोल्याण्डले जापानलाई पराजित गर्नु पर्ने छ । कोलम्बिया पराजित भए जापान र सेनेगल अर्को
चरण पुग्ने छन् ।
कोलम्बिया
माथि जित हासिल गरे वा बराबरी गरे सेनेगल अर्को चरण पुग्ने छ । सेनेगल पराजित भए पनि दोस्रो चरण पुग्न सक्छ ।
तर त्यसको लागि पोल्याण्डले जापानलाई पराजित गर्नु पर्ने छ र सेनेगलको गोल
डिफरेन्स जापानको भन्दा धेरै हुनु पर्ने छ ।
अर्को समुहमा पनामा
र ट्युनिसिया समुह चरणबाट नै बाहिरी सकेका छन् भने इंग्ल्यान्ड र
बेल्जियम नक आउट चरण पुगी सकेका छन् । इंग्ल्यान्ड र बेल्जियम बिचको आजको खेलले समूह
बिजेताको टुंगो लगाउने छ । हाल दुवैको समान अंक छ । आजको खेलको
बिजेता समूह बिजेता बन्ने छ । आजको खेल
बराबरी भए दुवै टोलीली पाएको कार्डको आधारमा समुह बिजेताको टुंगो लाग्ने छन् ।
तर बिश्वकपको
समीकरण यस्तो रोचक बनेको छ कि यो खेल हार्ने टोलीलाई धेरै फाइदा पुग्न सक्ने छ ।
नक आउट चरणले निम्न अनुसारले आकार लिएको छ ।
एकातर्फ बलिया टोली मानिएका उरुग्वे, पोर्चुगल, फ्रान्स, अर्जेन्टिना , ब्राजिल,मेक्सिको रहेका छन् । यसमा समुह जिको बिजेता र समुह एचको उप बिजेता थपिने छन् ।
अर्को तर्फ तुलनात्मक
रुपमा कमजोर मानिएका देशहरुको बाहुल्यता छ । यहाँ स्पेन मात्र छ जसले यस गाही
बिश्वकप जितेको छ । अरु सबै बिश्वकप नजितेका देश छन् । यस तर्फ स्पेन संगै रसिया ,
डेनमार्क, क्रोएसिया, स्विडेन र स्विजरल्याण्ड छन् । यसमा समुह एचको बिजेता र समुह
जिको उप बिजेता थपिने छन् ।
बेल्जियम र
इंग्ल्याण्ड दुवै नक आउट चरण पुग्ने पक्का छ । आजको खेलले यी दुई टोली पहिलो वा
दोस्रो कुन समुहमा रहने छन् भन्ने टुंगो लगाउने छ । आज हार्ने टोली दोस्रो समुह मा
रहने छ । दोस्रो समुहमा रहंदा पहिलो नक आउट चरण पार गरे त्यसपछि स्विडेन वा
स्विजरल्याण्ड मध्ये एक टोली संग खेल्नु पर्ने छ । त्यो पनि जिते स्पेन, रसिया ,
डेनमार्क वा क्रोएसिया मध्ये एक संग खेल्नु पर्ने छ ।
अर्थात् यस दोस्रो समुहमा पर्दा एउटा मात्र पुर्व
बिश्व बिजेतासंग खेल्नु पर्ने हुन्छ । यसबाट टोलीलाई अगाडी बढ्न धेरै फाइदा हुन्
सक्छ ।
तर समुह बिजेता भएर पहिलो समुहमा पर्ने टोलीले सुरुको नक आउट चरण पार गरेपछि ब्राजिल वा मेक्सिकोको बिजेतासंग खेल्नु पर्ने छ । बलियो मानिएको ब्राजिलले बिश्वकप सपना बिथोल्न सक्छ । ब्राजिललाई पाखा लगाउन सके पनि त्यसपछिको खेलमा अर्जेन्टिना, फ्रान्स, पोर्चुगल र उरुग्वे मध्ये एक संग खेल्नु पर्छ । पोर्चुगल बाहेक यी सबै पुर्व बिश्व बिजेता हुन् ।
हालसम्मको
समीकरण हेर्दा पहिलो समुहमा ४ बिश्वबिजेता छन् भने दोस्रोमा एउटा मात्र छ ।
इंग्ल्यान्ड पनि पुर्व बिश्व बिजेता हो तर अहिले यो टिम कुन समुह तर्फ पर्छ भन्ने
एकिन छैन । तर आजको खेल हारेको खण्डमा तुलनात्मक सहज प्रतिद्वन्द्वी पाउने निश्चित
छ ।
यस्तो अवस्थामा यी दुईले सहज प्रतिद्वन्द्वी पाउन हार्नको लागि खेल्छन् वा जितको साथ उत्कृष्ट लयमा नक आउट चरण पुग्न चाहन्छन त्यो भने हेर्न बाँकि छ ।
