सञ्चार तथा सूचना प्रविधि मन्त्रालयले चलचित्र विकास बोर्डको अध्यक्ष नियुक्तिका लागि दरखास्त आह्वान गरेको छ । खुला प्रतिस्पर्धाबाट अध्यक्ष नियुक्ति गर्न मन्त्रालयले शुक्रबार दरखास्त आह्वान गरेको हो ।
बोर्डकी अध्यक्ष निकिता पौडेलले गत माघ २२ गते राजीनामा दिएपछि बोर्ड अध्यक्ष बिहिन छ । मन्त्रालयले फागुन १७ गतेसम्म ३० वर्ष उमेर पूरा भई ६५ वर्ष ननाघेका नागरिकबाट दरखास्त आह्वान गरेको छ । 
