चौतारी लघुवित्तले अर्ध बार्षिक समिक्षा गोष्ठि तथा जोखिम व्यवस्थापन तालिम सम्पन्न गरेको छ । संस्थाले दाङ, सल्यान, पूर्वी रुकुम, पश्चिम रुकुम, जाजरकोट र सुर्खेतमा रहेका १५ वटा शाखा कार्यालयको अर्ध बार्षिक समिक्षा गोष्ठि तथा जोखिम व्यवस्थापन तालिम दाङको तुल्सीपुरमा सम्पन्न गरेको जनाएको छ ।
कार्यक्रममा संस्थाका प्रमुख कार्यकारी अधिकृत लक्ष्मण घिमीरेले लघुवित्त गरिवी निवारणको औजार भएको बिषयलाई प्रष्ट पारे । उनले सबै सदस्यहरुलाई सिपमुलक तालिम निरन्तर आयोजना गर्दै उद्यमशिलताको बिकासमा जोड दिने गरी समाजीक कल्याण सहितको लघुवित्त अहिलेको आवश्यकता रहेकाले सोही अनुसार कार्यक्रमलाई अगाडी बढाईएको जानकारी दिए ।
कार्यक्रममा संचालन जोखिम बारेमा वित्त तथा सुचना प्रबिधी विभागका विभागीय प्रमुख ज्ञानिश्वर पन्त तथा लघु उद्यम कर्जा व्यवस्थापन बारेमा अनुगमन अधिकृत कौशल खड्काले तालिम दिएका थिए ।