अख्तियार दुरुपयोग अनुसन्धान आयोगले महानगरीय प्रहरी वृत्त बालाजुका प्रमुख डीएसपी नवीनकृष्ण भण्डारीलाई नियन्त्रणमा लिएको छ।
डीएसपी भण्डारीलाई आइतबार प्रहरी कार्यालयबाटै रंगेहात घूस रकमसहित नियन्त्रणमा लिएको अख्तियार स्रोतले जनाएको छ । अपहरण मुद्दामा डीएसपीले ५ लाख घूस खाएको अख्तियार स्रोतले जानकारी दिएको छ।
बालाजुका प्रहरी सहायक निरीक्षक चन्द्र सिंह भाट, बाल सुधार गृह भक्तपुरमा कार्यरत प्रहरी जवान पुष्कर शाहले तार्केश्वरका बिनोद थापासँग मिलेर सेवाग्राहीसँग ५ लाख घुस मागेको बताइएको छ। नियन्त्रणमा लिइएका डीएसपीलाई अख्तियारले हिरासतमा राखी थप अनुसन्धान अघि बढाएको छ।