भोजपुरबाट प्रतिनिधि सभा र प्रदेशसभाको लागि टिकट पाएका २ उम्मेद्वार हेलिकप्टर चार्टर गरी उम्मेद्वार मनोनयन गर्न गएका छन् । नेपाली काँग्रेसबाट टिकट पाएका प्रतिनिधिसभाका उम्मेदवार उमेशजंग रायमाझी र प्रदेश सभा नं. २ का उम्मेदवार गोविन्द कार्की आइतबार हेलिकप्टर चार्टर गरेर उम्मेदवारी दर्ता गर्न गएका हुन् ।
राजधानीमा रहेका उनीहरुले जिल्ला जानको लागि शनिवारको लागि नेपाल एयरलाइन्सको विमानको टिकट लिएका थिए। तर मौसमका कारण उक्त उडान आइतबारका लागि सारिएको थियो । तर, बिहान पनि जहाज उड्ने निश्चित नभएपछि उनीहरू हेलिकप्टर चार्टर गरेर पुगेका हुन्।
उम्मेदवारी दर्ता गर्न चार्टर गरिएको हेलिकप्टरमा भोजपुर पुगेका हुन्।
निर्वाचन आयोगले आइतबार १० बजेदेखि साँझ ५ बजेसम्म उम्मेदवारी दर्ताको समय तोकेको छ।