अर्घाखाँचीमा भएको जिप दुर्घटनामा १ जनाको मृत्यु भएको छ भने अन्य ७ जना घाइते भएका छन् । दुर्घटनामा अन्दाजी ३० वर्षका शारदा केसीको मृत्यु भएको हो ।
गुल्मीको पुर्कोटदहबाट सन्धिखर्क हुँदै बुटबल जाँदै गरेको लु १ च ६७६६ नम्बरको जिप नरपानी जगातको ढाडखोला नजिकै दुर्घटना भएको हो ।
जिप सडकबाट एक सय २० मिटर तल खसेको छ । सबै घाइतेलाई उपचारको लागि जिल्ला अस्पताल सन्धिखर्कमा पठाइएको जिल्ला प्रहरी कार्यालयले जनाएको छ ।
