म्यादी प्रहरीका लागि छनौटमा सहभागी भएका एक व्यक्तिको ज्यान गएको छ । छनौट चरणको दौडमा सहभागी भएका एक व्यक्तिको ज्यान गएको हो । हेटौँडाको हुप्रचौरमा भएको दौडमा सहभागी भएका बकैया गाउँपालिका वडा नम्बर ४ का २४ वर्षका प्रेमप्रसाद घिमिरेको ज्यान गएको हो ।
जिल्ला प्रहरी कार्यालय मकवानपुरले हेटौँडाको हुप्रचौरमा दौडको छनौटको क्रममा केही समय दौडिएपछि घिमिरे ढलेका थिए । एक किलोमिटर दौडको झण्डै २० मिटर बाँकी रहँदा ढलेका घिमिरेलाई उपचारको लागि हेटौँडा–११ स्थित चुरेहिल अस्पतालमा लगिएको थियो ।
तर उनलाई अस्पतालले मृत घोषणा गरेको जिल्ला प्रहरी कार्यालय मकवानपुरका प्रहरी प्रवक्ता डिएसपी दिलिपराज झाले जानकारी दिए ।
