नेपालमा मंगलबारदेखि ह्वात्तै चिसो बढेको छ । उत्तर पश्चिमी वायु सक्रिय भएपछि देशभर नै चिसो बढेको हो।
सामान्यतया कात्तिक १५ गतेसम्म काठमाडौंको न्यूनतम तापक्रम औषतमा १२ डिग्री सेल्सियस रहन्छ । तर यो वर्ष मंगलबार एकैदिन ४ डिग्री सेल्सियस घटेको काठमाडौंको तापक्रम बुधबार पनि २ डिग्री घटेको छ ।
उत्तर पश्चिमी वायु भारतको जम्बुकास्मिरबाट हिमाली क्षेत्र हुँदै नेपाल प्रवेश गरेको तथा राति आकाश खुला भएकाले देशभरी नै चिसो बढेको मौसमविद् राजु प्रधानाङ्गले बताए ।
राति आकाश खुला हुँदा पृथ्वीको सतह चिसिएकाले तापक्रम घट्छ । मंगलबार ११ दशमलव ४ डिग्री सेल्सियस मापन गरिएको काठमाडौंको तापक्रम बुधबार बिहान ९ दशमलव ८ डिग्री सेल्सियसमा झरेको छ ।
