बागी उम्मेदवारलाई सघाउन नेकपा एमालेका आधिकारिक उम्मेदवारले नै उम्मेदवारी फिर्ता लिएका छन् । मनाङको प्रदेशसभा क्षेत्र नम्बर ख बाट उम्मेदवारी दिएकी खण्डा लामा गुरुङले आफ्नो उम्मेदवारी फिर्ता लिएकी हुन्। त्यस क्षेत्रमा उनी एमालेकि आधिकारिक उम्मेदवार थिइन् । तर उनले सोहि क्षेत्रबाट स्वतन्त्र उम्मेद्वारी दिएका राजिव गुरुङ उर्फ दीपक मनाङ्गेलाई सघाउने भन्दै उमेद्वारी फिर्ता लिएकी हुन् ।
यस अघि मनाङको प्रदेशसभा क्षेत्र नम्बर ख बाट प्रत्यक्ष उम्मेदवारका लागि जिल्लाबाट सर्वसम्मत सिफारिस भएका मनाङेलाई एमाले स्थायी कमिटीले टिकट नदिने निर्णय गरेको थियो । सञ्चारमाध्यम र सामाजिक सञ्जालमार्फत देशब्यापी रुपमा आलोचना भएपछि मनाङेलाई प्रदेशसभा सदस्यको उम्मेदवार बनाउनबाट एमाले पछि हटेको थियो । एमालेले टिकट नदिएपछि उनले स्वतन्त्र अर्थात् बाँगी उम्मेदवारी दिएका थिए ।
दिपक मनाङे केहि समय अघि मात्र राप्रपाबाट एमाले प्रवेश गरेका हुन् ।