गौतमबुद्ध अन्तर्राष्ट्रिय विमानस्थलको धावनमार्गको बिचैमा विमानको टायर पञ्चर भएपछि विमानस्थलबाट हुने उडान अवतरण प्रभावित भएको छ । धावनमार्गमा नाइन एन– एकेएस कलसाइन रहेको नेपाल एअरलाइन्सको जहाजको टायर पञ्चर भएको हो ।
टेष्ट फ्लाइटमा रहेको उक्त जहाजमा २ पाइलटमात्र थिए । उनीहरुले दुवै जना सकुशल रहेका छन् । टायर पञ्चर भए पनि विमानमा कुनै क्षति भएको छैन। उक्त जहाज वाई १२ ई सिरीजको चिनियाँ कम्पनीको हो ।
विमानस्थल बन्द भएपछि श्री एअरको एटिआर जहाज, सिम्रिक र यति एअरका उडान प्रभावित भएका छन् ।
