रुकुममा बिना विभागीय मन्त्री जनार्दन शर्मालाई लक्षित गरेर बम प्रहार गरेको भोलीपल्ट माओबादी नेता वर्षमान पुन चढेको गाडीमा माइन बिस्फोट गराईएको छ । रोल्पा जिल्लाको माडीगाउँपालिका– १ स्थिति भिट्टाबाङ भन्ने ठाउँमा नेता पुन चढेको गाडीमा विप्लवमा कार्यकर्ताले बाटोमा ओछ्याएको माइन विस्फोट भएको हो ।
विस्फोट लगत्तै विप्लवका कार्याकर्ताले वाम गठबन्धनका उम्मेवारलाई लक्षित गरी फायरिङ गरेका थिए भने स्कटिङमा खटिएका सुरक्षाकर्मीले जवाफी फायरिंगपछि उनीहरु भागेका छन् ।
विस्फोटका कारण गाडीमा समान्य क्षति पुगेको छ । गाडीमा रहेका सबैजना सकुशल रहेका छन् ।
गाडीमा माओवादीकी समानुपातिक उम्क्मदेवार जयपुरी घर्ती , मालेका पोलिटब्यूरो सदस्य गोकुल घर्ती र एमालेबाट प्रदेशसभाका समानुपाति उम्मेदवार ईश्वर घर्ती, माओवादी तर्फका समानुपातिक उम्मदेवार दीपेन्द्र पुन सिजल लगायत थिए ।