नेपाल प्रहरीले नेपाल निर्माण व्यवसायी संघका अध्यक्ष शरदकुमार गौचनको हत्यामा संलग्न अभियुक्तहरुलाई पक्राउ गरी सार्बजनिक गरेको छ ।
गत २३ असोजमा दिउँसो नयाँ बानेश्वरस्थित घरबाट निस्कने क्रममा अज्ञात समूहले उनको गोली हानी हत्या गरेको थियो । गाडीमा रहेका बेला गौचन माथि गोली प्रहार भएको थियो । गाडीको शिशा छेडेर गौचनको पेटमा गोली लागेको थियो ।
प्रहरीले आज मंगलबार पुलिस क्लबमा राजिव स्याङताङ, सिबजि महतो, मुकेश कुमार पाण्डे, सन्तोष गुरुङ र प्रकाश बुढाथोकीलार्इ सार्बजनिक गरेको हो । स्याङतान मुख्य सुटर रहेको र अन्य भने सहयोगी रहेको प्रहरीले बताएको छ ।
प्रहरीले गौचन हत्याका मुख्य योजनाकार काठमाडौं बाफलका गुण्डानाइके समीरमान बस्नेत रहेको बताएको छ । बस्नेत र उनका सहकर्मी अर्का गुण्डानाइके मनोज पुन पनि फरार रहेका छन् । यी २ सहित अन्य ६ जना फरार रहेकाे प्रहरीले जनाएकाे छ ।
