आगामी मङ्सिर १० र २१ गते हुने प्रतिनिधि र प्रदेश सभा निर्वाचन हुदैछ । मुलुक संघीय प्रणालीमा गएपछि पहिलो पात्रक हुन्हु लागेको प्रतिनिधि सभा र प्रदेश सभा निर्वाचनमा कसरी मत हाल्ने भन्ने अन्योल कायम नै छ । अझ निर्वाचन आयोगले ढिलो मतदाता शिक्षा कार्यक्रम संचालन गर्नु, अन्तिम समयमा सर्बोच्च अदालतको आदेश अनुसार प्रत्यक्ष तर्फको लागि छुट्टा छुट्टै मतपत्र छाप्नु, एकै दिन प्रतिनिधि र प्रदेश सभा निर्वाचन हुनुले पनि मतदातामा अन्योल छ । यस्तो अन्योल बिकट ग्रामिण क्षेत्रमा बढी देखिन्छ ।
यस पटकको निर्वाचनमा ३ मतपत्र हुनेछ भने हरेक मतदाताले जम्मा ४ छाप लगाउनु पर्ने छ । पहिलो मतपत्र हरियो हुनेछ भने त्यसमा प्रतिनिधि सभा सदस्यको प्रत्येक्ष तर्फको उम्मेदवारको लागि मतदान गर्नु पर्नेछ । त्यस्तै दोस्रो मतपत्र कालो हुनेछ र त्यसमा प्रदेश सभा सदस्यको प्रत्यक्ष तर्फको उम्मेदवारको लागि मतदान गर्नु पर्नेछ ।
त्यस्तै तेस्रो मतपत्र रातो हुनेछ भने त्यसको माथिल्लो भागमा प्रतिनिधि सभाको लागि समानुपातिक सदस्यको लागि मतदान गर्नु पर्नेछ । सोहि मतपत्रको तल्लो भागमा प्रदेश सभाको लागि समानुपातिक सदस्यको लागि मतदान गर्नु पर्नेछ ।
यस्तो छ मत बदर हुन् नदिन सहि तरिकाले मत संकेत गर्ने तरिका ।
