स्याङ्जाका दुवै निर्वाचन क्षेत्रमा बाम गठबन्धनका उम्मेदवारले आफ्नो मतान्तर बढाउंदै लगेका छन। प्रदेश र प्रतिनिधिसभाको निर्वाचन भएको ४ दिनपछि सुरु भएको मतगणनामा सुरुदेखि नै बाम गठबन्धनका उम्मेदवारहरु अगाडी देखिएका छन।
बिजपाटिलाई प्राप्त ११ बजेर ३५ मिनेटको मतपरिणाम अनुसार निर्वाचन क्षेत्र-१ का प्रतिनिधिसभा तर्फका उम्मेदवारमा बाम गठबन्धनका नारायण मरासिनीले २३७४४ मत पाएका छन भने कांग्रेसका राजु थापाले १८५३३ पाएका छन।
निर्वाचन क्षेत्र -२ का प्रतिनिधिसभा तर्फका कांग्रेसका उम्मेदवार तथा उपप्रधानमन्त्री तथा शिक्षामन्त्री गोपालमान श्रेष्ठले १७९६४ मत ल्याउँदा उनका प्रतिद्वन्द्वी बाम गठबन्धनका एमालेका उम्मेदवार पदमा अर्यालले २२१४० मत पाएकी छिन।
स्याङ्जा १ ‘क’ मा वाम गठबन्धनका चर्तीमगर विजयी भईसकेका छन् । क्षेत्र न: १ को ख मा बामका मिन प्रसाद गुरुङले १८३८४ मत ल्याउँदा कांग्रेसका तुलसी गिरिले १३५१८ मत ल्याएका छन।
क्षेत्र न: २ को क मा बामका मोहन रेग्मीले :१५५७६ मत पाएका छन भने कांग्रेसका बिष्णु पौडेलले १२१८१ मत ल्याएका छन। साथै २ को ख मा बामका पारस गैरेले १३८३७ र कांग्रेसका भागवत प्रकाशले १२१३६ मत ल्याएका छन। पारस गैरे जित नजिक रहेको जानकारी प्राप्त भएको छ।
समग्रमा स्याङ्गजामा बाम गठबन्धन अगाडी देखिएको छ।