सिधा कुरा जनतासंग का संचालक तथा पत्रकार रबि लामिछानेलाई अर्का पत्रकार दिल निशानी मगरले गम्भीर आरोप लगाएका छन। दिल निशानी मगरले रबि लामिछाने नेपाली नागरिक नभएको अकाट्य र ध्रुब सत्य भएको दाबि गरेका छन।
अरुलाई कानुन सिकाउने लामिछानेले आफैले नेपालको कानुनको धज्जी उडाउदै गैरकानुनि काम गरेको दिल निशानीले आरोप लगाएका छन। लामिछाने कानुनी रुपमा नेपाली नागरिक नभएको र उनको पत्रकारिताले राष्ट्रिय संबेदनसिलता माथी प्रश्न उठाएको दिल निशानीको भनाई छ।
'ठुला ठुला कानुनको ब्याख्या गर्ने लामिछाने आफु नै कानुनविपरित नेपालमा बसेर पत्रकारिता गरेका छन' दिल निशानीले भनेका छन, 'के थाहा ! रवि लामिछाने अमेरिकाको गुप्तचर पो हुन् कि ? , अमेरिकाको पासपोर्टधारीले मिडियाको बलमा नेपालको सुचना लिन पाउने कुनै अधिकार छैन।'
'अरु देशमा भएको भए लामिछाने पक्राउ परिसक्थे.. ।' दिल निशानिले पत्रकार डि.बि. बुढाथोकीले समसामयिक बिषयमा गरेको कुराकानीमा बताएका छन।
