राष्ट्रिय सभाको निर्वाचन माघ २४ गते हुने भएको छ। शुक्रबार बसेको मन्त्रिपरिषद्को आकष्मिक बैठकले माघ २४ गते राष्ट्रिय सभाको निर्वाचन गर्ने निर्णय गरेको हो।
तर मन्त्रिपरिषदको बैठकले प्रदेश प्रमुख र प्रदेशको राजधानी तोक्ने निर्णय भने गरेको छैन। अब बस्ने मन्त्रिपरिषद्को बैठकले प्रदेश प्रमुख र राजधानी तोक्ने जनाइएको छ।
सरकारले निर्वाचन आयोगको परामर्शमा चुनावको मिति तोकेको हो। निर्वाचन आयोगले प्रत्येक प्रदेशमा मतदान गराउने तयारी गरेको छ । निर्वाचन एकल संक्रमणीय र बहुमतीय दुबै प्रक्रियाबाट हुनेछन् । खुला सदस्य र महिला गरी ४२ जना एकल संक्रमणीयबाट चुनिनेछन् भने दलित र अपाङ्ग तथा अल्पसंख्यक १४ जना बहुमतीयबाट चयन हुनेछन् ।