सरकारले आज मंगलबार सातवटै प्रदेशमा प्रदेश प्रमुख नियुक्त गर्ने र प्रदेशको अस्थाई मुकाम तोक्ने अन्तिम तयारी गरेको छ। यी दुई महत्वपूर्ण कार्यको टुंगो लगाउन आज दिउँसो ४ बजे मन्त्रिपरिषद्को बैठक डाकिएको छ ।
त्यस अघि प्रधानमन्त्री शेर बहादुर देउवाले एमाले र माओवादीका नेताहरुसँग अनौपचारिक छलफल गर्दैछन् । त्यस्तै उनले आफ्नै पार्टी भित्रका शिर्ष नेताहरु संग छलफल गर्दै छन् ।
ति अनौपचारिक छलफलपछि बस्ने मन्त्रिपरिषद् बैठकले राजनीतिक संलग्नता नभएका, पूर्वन्यायाधीश, पूर्वप्रशासक, सामाजिक प्रतिष्ठा भएका व्यक्तिहरूलाई प्रदेश प्रमुख नियुक्त गर्ने सम्भावना छ। नियुक्ति विवाद रहित बनाउन समेत सरकारले गृहकार्य थालेको छ ।