प्रदेश राजधानी दाङलाई बनाउनु पर्ने माग गर्दै आज देखि जिल्लाबासीले अनिश्चितकालीन दाङ बन्द आह्वान गरेका छन् । प्रदेश पाँचको राजधानी बुटवल बनाउने चर्चा चलिरहेको बेला दाङलाई बनाउन माग गर्दै उनीहरुले अनिश्चितकालिन हड्ताल घोषणा गरेका हुन् ।
बन्दका कारण जनजीवन प्रभावित भएको छ । बन्दका कारण लामो तथा छोटो दुरीका गाडी, उद्योगधन्दा, कलकारखाना, शिक्षण संस्था सबै बन्द छन् । दाङखण्डमा पर्ने पूर्वपश्चिम राजमार्ग पनि ठप्प छ ।
आन्दोलनका लागि दाङबासीले दाङ प्रादेशिक राजधानी सरोकार समिति गठन गरेका छन् । बिहानैदेखि घोराही, तुलसीपुर, लमही, भालुबाङ, बिजौरीमा स्थानीयबासीले टायर बालेर प्रदर्शन गरिरहेका छन् ।
