प्रदेश प्रमुख र प्रदेशको अस्थाई मुकाम तोक्न बसेको मन्त्रिपरिषद्को बैठक कुनै निर्णय नै नगरी स्थगित भएको छ ।बैठक आज अपरान्ह ३ बजे सम्मको लागि स्थगित भएको हो ।
आजको बैठकमा सबै प्रदेशको लागि प्रदेश प्रमुख र प्रदेशको अस्थाई मुकामको बिषयमा छलफल भएको थियो ।
बाम गठबन्धनले नाम दिन नमानेपछि सरकारले प्रदेश प्रमुखमा कांग्रेस र मधेसवादी दुई दलले भागवण्डा गरेका छन् । २ मा राजपा र ५ मा फोरमको सिफारिसमा प्रदेश प्रमुख नियुक्त गरिने भएको छ भने ५ जना कांग्रेसको सिफारिसमा हुनेछन् ।
आजको बैठकमा प्रदेश १ मा गोविन्द सुब्बा, २ मा उमाकान्त झा, ३ मा अनुराधा कोइराला, ४ मा बाबुराम कुँवर, ५ मा रत्नेश्वर लाल कायस्थ, ६ मा दुर्गाकेशर खनाल र ७ मा मोहनराज मल्ललाई प्रदेश प्रमुख बनाउने गरी छलफल भएको स्रोतले जनाएको छ ।
अन्य केहि विवाद नदेखिए आज ३ बजे बस्ने मन्त्रिपरिषद्को बैठकले यहि नाम नै अनुमदन गर्ने छ ।