लामो समयको कसरतपछि सरकारले सात वटै प्रदेशको अस्थायी केन्द्र तोकेको छ । बुधबार अपरान्ह बसेको मन्त्रिपरिषद्को बैठकले सातवटा प्रदेशका अस्थायी केन्द्र तोकेको हो।
कानूनमन्त्री यज्ञबहादुर थापाका अनुसार प्रदेश नम्बर १ को केन्द्र विराटनगर, २ को जनकपुर, ३ को हेटौंडा, ४ को पोखरा, ५ को रुपन्देही, ६ को सुर्खेत र ७ को धनगढी तोकिएको छ।
यी अस्थाई केन्द्र हुन् । प्रदेशको स्थायी केन्द्र भने प्रदेशसभाको पहिलो बैठकले तोके संबैधानिक ब्यबस्था छ ।