आज बुधबार अपरान्ह बसेको मन्त्रिपरिषद्को बैठकले प्रदेश प्रमुख र प्रदेशको अस्थाई केन्द्र तोकेको छ।
कानूनमन्त्री यज्ञबहादुर थापाका अनुसार बैठकले प्रदेश नम्बर १ को केन्द्र विराटनगर, २ को जनकपुर, ३ को हेटौंडा, ४ को पोखरा, ५ को रुपन्देही, ६ को सुर्खेत र ७ को धनगढी तोकिएको छ।
यी अस्थाई केन्द्र हुन् । प्रदेशको स्थायी केन्द्र भने प्रदेशसभाको पहिलो बैठकले तोके संबैधानिक ब्यबस्था छ ।
त्यस्तै सरकारले प्रदेश प्रमुख समेत तोकेको छ ।
हेर्नुस कुन प्रदेशको को प्रमुख तोकिए ।
प्रदेश १ डा. गोविन्द सुब्बा, प्रदेश २ रत्नेश्वरलाल कायस्थ, प्रदेश ३ अनुराधा कोइराला, प्रदेश ४. बाबुराम कुँवर, प्रदेश ५ उमाकान्त झा, प्रदेश ६ दुर्गाप्रसाल खनाल र प्रदेश ७ मा मोहनराज मल्ल तोकेको छ ।
