बैंककस्थित बुमरुङगार्ड अन्तर्राष्ट्रिय अस्पतालमा स्वास्थ्य परीक्षण गर्न उनी पुस २६ गते थाइल्याण्ड गएका थिए।
नियमित स्वास्थ्योपचारका लागि थाइल्याण्डको बैंकक गएका नेकपा एमालेका अध्यक्ष केपी शर्मा ओली आज स्वदेश फर्किएका छन् ।
स्वदेश फर्कने क्रममा विमानस्थलमा पत्रकारहरु संग कुरा गर्दै अध्यक्ष ओलीले प्रदेश प्रमुख र राजधानी छनोटमा सत्तारुढ दलले आफ्नो दलीय स्वार्थ हरेको आरोप लगाएका छन् । ओलीले सरकारले बुधबार गरेको प्रदेश प्रमुख र राजधानी छनोटमा आफ्नो पार्टीको सहमति नभएको पनि स्पष्ट पारेका छन।
उनले सरकारलाई प्रदेश प्रमुख र अस्थायी मुकाम तोक्न सरकारलाई सहमति दिएको तर, व्यक्ति र स्थानमा सहमति नरहेको बताए ।
अब बन्ने सरकारले अहिलेका प्रदेश प्रमुखहरु हटाउन सक्ने इंगित गर्दै उनले भने प्रदेश प्रमुख बारे उपयुक्त समयमा उपयुक्त निर्णय लिने पनि बताए ।