सरकारले १९० जना शहिदहरुको सुची प्रकाशन गरेको छ । गृह मन्त्रालयले नेपाल सरकार मन्त्रिपरिषद्को मिति २०७४/१०/०३ गतेको निर्णयानुसार स्व. महेशकुमार कोइराला समेत गरी १९० जना शहिदहरुको नामावली सवैको जानकारीको लागि प्रकाशन गरेको जनाएको छ ।
तर यी सुचीमा रहेकाहरु शहिदहरु कहिलेदेखि कहिलेसम्म का हुन् बारे सरकार आफै जानकार नै छैन । गृह मन्त्रालयका प्रबक्ता नारायण प्रसाद शर्मा दुवाडी भन्छन् 'प्रस्ताव मन्त्रिपरिषद्मा लागिएको हो, त्यहि अनुसार शहिद घोषणा गरिएको हो , प्रस्तावमा अवधि तोकिएको छैन, कहिलेसम्मको हो भनेर थाहा हुदैन ' । उनले यिनीहरु विभिन्न आन्दोलनमा परेका शहिद भएको र यसको अभिलेख प्रधानमन्त्री तथा मन्त्रिपरिषद्को कार्यालयले राख्ने भन्दै आफुलाई जानकारी नभएको बताए ।
यो जानकारी मन्त्रिपरिषद्को कार्यालयमा नरहेको बुझिएको छ । मन्त्रिपरिषद् कार्यालयका एक शाखा अधिकृतले गृह मन्त्रालयबाट आएको प्रस्तावलाई मन्त्रिपरिषद्को बैठकले अनुमोदन गरेको र प्रस्ताव सहित पुन मन्त्रालयमा मै पठाईएको र यसको जानकारी मन्त्रिपरिषद्को कार्यालयमा नहुने बताए ।
यी हुन् सरकारले सार्बजनिक गरेका १९० जना शहिद ।
