राष्ट्रपति बिद्यादेवी भण्डारीले संघिय संसदको पहिलो अधिवेशन आब्हान गरेकी छिन। मन्त्रिपरिषद्को सिफारिशमा संविधानको धारा ९३ को उपधारा १ बमोजिम यहि फागुन २१ गते संसद अधिवेशन आह्वान गरिएको राष्ट्रपति कार्यालयले जनाएको छ।
संघीय संसदको बैठक अन्तर्राष्ट्रिय सम्मेलन केन्द्रमा बस्ने छ। प्रतिनिधि सभाको चुनाव भएको ३ महिना र राष्ट्रिय सभाको चुनाव भएको झन्डै महिना दिनपछि संघीय संसदको बैठक बस्न लागेको हो।
प्रतिनिधिसभा र राष्ट्रियसभालाई संयुक्त रुपमा संघीय संसद भन्ने गरिन्छ । सरकारको सिफारिसमा राष्ट्रपतिले संसद अधिवेशन आह्वान गर्ने संवैधानिक व्यवस्था छ ।
नयाँ राष्ट्रपति चुन्न फागुन २५ गते निर्वाचन गर्ने कार्यतालिका छ। त्यसैले त्यसको चार दिनअघि नै संसद अधिवेशन आह्वान भएको हो ।