नेपालका सडक एसियाकै खराबमा परेको छ। वर्ल्ड इकोनोमिक फोरमले एसियाली देशहरुको सडकको अवस्थाबारे सार्वजनिक गरेको सर्वेक्षण रिपोर्टमा नेपालको सडक सबै भन्दा खराब पाइएको हो।
आर्थिक स्रोतको कमी र पहाडी भूबनोटका कारण नेपालका सडकहरु खराब भएको रिपोर्टमा उल्लेख छ।सबैभन्दा उत्कृष्ट सडक रहेको देशको सूचीमा सिंगापुर पहिलो स्थानमा छ । यसैगरी जापान दोस्रो, ताइवान तेस्रो, दक्षिण कोरिया चौथो र मलेसिया पाँचौं स्थानमा छन् ।
सबैभन्दा खराब देशको सूचीको पुछारमा नेपाल छ । बंगलादेश, मंगोलिया, फिलिपिन्स, कोलम्बिया, लाओस, भियतनाम र भुटानका सडक पनि सबैभन्दा खराब सडक भएको देशमा सूचीकृत भएका छन।
यसैगरी राम्रा सडक भएको देशहरुको सूचीमा चीन पहिलो स्थानमा छ । त्यसपछि क्रमशः ब्रुनाई, श्रीलंका, भारत, थाइल्याण्ड र पाकिस्तान छन् ।भुटानले सडकको ढाँचामा विश्वलाई आश्चर्यमा पारेको छ। सबैभन्दा खराब सडकको सुचिमा भुटानका सडक कम खराब भएको रिपोर्टमा उल्लेख छ।
