दुई दिने नेपाल भ्रमण सकेर पाकिस्तानी प्रधानमन्त्री शाहीद खकान अब्बासी स्वदेश फर्किएका छन् ।
स्वदेश फर्किनु अघि प्रधानमन्त्री अब्बासीले राष्ट्रपति विद्यादेवी भण्डारी र माओवादी केन्द्रका अध्यक्ष पुष्पकमल दाहाल प्रचण्डसँग छुट्टा छुट्टै भेटवार्ता गरेका थिए । उनले हिजो प्रधानमन्त्री केपि शर्मा ओलीसँग भेट गरी निर्वाचनमा विजय हासिल गरेकोमा र प्रधानमन्त्री भएकोमा बधाई दिएका थिए ।
सोमबार काठमाडौं आईपुगेका अब्बासीलाई सैनिक मञ्च टुँडिखेलमा गार्ड अफ अनर दिइएको थियो ।
अब्बासीलाई स्वागत गर्न हिजो त्रिभुवन विमानस्थल पुगेका अर्थमन्त्री डा. युवराज खतिवडा विदाइ गर्न पनि विमानस्थलसम्म पुगेका थिए ।