निर्वाचन आयोगले बिहीबार राष्ट्रपतिको लागि उम्मेदवारी दिएका उम्मेद्वारहरुको अन्तिम नामावली सार्वजनिक गर्दैछ ।
बुधबार बिहान १० देखि दिउँसो २ बजेसम्म उम्मेदवारी दर्ताको समय दिएको आयोगले बिहीबार बेलुकी ६ बजे अन्तिम नामावली सार्वजनिक गर्ने जनाएको छ ।
आयोग प्रवक्ता नवराज ढकालले बिहिबार दिउँसो २ बजेसम्म उम्मेदवार विरुद्ध दाबी विरोध गर्न सकिने जानकारी दिए । ४ बजे देखि ५ बजेसम्म उम्मेदवारी फिर्ताको समय दिइएको छ ।
राष्ट्रपतिको लागि वाम गठबन्धनबाट विद्यादेवी भण्डारी र कांग्रेसबाट कुमारी लक्ष्मी राईको उम्मेदवारी परेको छ । आउँदो फागुन २९ गते राष्ट्रपतिको चुनाव हुँदैछ ।