नेकपा एमालेका वरिष्ठ नेता माधव कुमार नेपालले संघीय समाजवादी फोरम नेपाल सहितको सरकार विस्तार हुने बताएका छन् ।
रौतहटको यमुनामाई गाउँपालिकामा बन्न लागेका सडकको शुक्रबार शिलान्यास गर्दै नेता नेपालले एमाले माओवादी गठबन्धनसँगै फोरम नेपाल पनि सरकारमा सहभागी हुने बताए । दुई तिहाई सहितको बलियो सरकार बनेपछि सबैका असन्तुष्टि सम्बोधन गर्न सहज हुने बताए ।
प्रदेश नम्बर २ मा पनि फोरमसँग मिलेर आफूहरु अघि बढ्ने बताए ।
पाँच वर्षमा मुलुकले विकास निर्माणको क्षेत्रमा फड्को मार्ने भन्दै नेता नेपालले विकासमा प्रतिस्पर्धा गर्न सबैलाई आग्रह गरे ।
