नेकपा माओवादी केन्द्रका नेता कृष्णबहादुर महरा प्रतिनिधि सभाको सभामुखमा निर्वाचित भएका छन। सभामुखका लागि नेता महराको मात्रै उम्मेदवारी परेपछि आज (शनिबार) बसेको प्रतिनिधि सभाको बैठकमा जेष्ठ सदस्य महन्त ठाकुरले निर्विरोध निर्वाचित भएको घोषणा गरेका हुन।
महराको प्रस्तावकमा पूर्वसभामुख सुवास नेम्वाङ र समर्थकमा माओवादी प्रमुख सचेतक देव गुरुङ थिए । सभामुखका लागि प्रमुख प्रतिपक्षी दल नेपाली कांग्रेसले उम्मेदवारी नदिएपछि संघीय संसदको पहिलो सभामुख महरा बनेका हुन् ।