प्रतिनिधिसभाका सभामुख कृष्णबहादुर महराले पद तथा गोपनीयताको शपथ ग्रहण गरेका छन् । राष्ट्रपति विद्यादेवी भण्डारीले सभामुख महरालाई पद तथा गोपनीयताको शपथ खुवाएकी हुन् ।
नेकपा माओवादी केन्द्रका नेता महरा शनिबार सभामुखमा निर्विरोध चयन भएका थिए ।
राष्ट्रपति कार्यालय शीतल निवासमा आईतबार आयोजित विशेष समारोहमा उपराष्ट्रपति नन्दबहादुर पुन, प्रधानमन्त्री केपी शर्मा ओली, प्रधानन्यायाधीश गोपाल प्रसाद पराजुली, सरकार मन्त्रीहरु, संवैधानिक र सुरक्षा निकायका प्रमुख लगायत सरकारका उच्चपदस्थ कर्मचारीको सहभागीता थियो ।
