नेकपा एमालेले गणेश तिमल्सिनालाई राष्ट्रियसभा अध्यक्षको उम्मेदवार बनाउने निर्णय गरेको छ । प्रधानमन्त्री निवास बालुवाटारमा सोमबार बसेको एमाले नेताहरुको बैठकले तिमल्सिनालाई राष्ट्रियसभा अध्यक्षको उम्मेदवार बनाउने निर्णय गरेको हो ।
राष्ट्रियसभाको अध्यक्षमा दावी गरिरहेका परशुमेघी गुरुङलाई राष्ट्रियसभा दलको नेता बनाउने निर्णय भएको एमाले कार्यालय सचिव कृष्णगोपाल श्रेष्ठले जानकारी दिए । तिमल्सिना एमाले पोलिटब्यूरो सदस्य र प्रदेश नम्बर ४ का सहसंयोजक समेत हुन् ।
राष्ट्रिय सभा अध्यक्षका लागि बुधबार चुनाव हुनेछ ।