युएस बंगला एयरलाइन्सले ढाका-काठमाडौं उडान बन्द गरेको छ । गत सोमबार त्रिभुवन अन्तर्राष्ट्रिय विमानस्थलमा कम्पनीको बिमान दूर्घटना भएपछि उडान बन्द गरिएको हो । विमान दुर्घटनापछि बिमान अभावका कारण काठमाडौं ढाका उडान विहीबारदेखि करिब एक महिनाका लागि रोकेको युएस बंगलाले जनाएको छ ।
तर कम्पनीले यस बारेमा त्रिभुवन विमानस्थललाई भने अहिलेसम्म कुनै जानकारी गराइएको छैन ।
गत सोमबार ७१ जना सवार विमान त्रिभुवन विमानस्थलमा दुर्घटनामा परेको थियो । दुर्घटनामा परेका ७१ जनामध्ये अहिलेसम्म ५१ जनाले ज्यान गुमाइसकेका छन् ।
