तीन नम्बर प्रदेश सरकारले चैत २० गते भित्र चालु आर्थिक वर्षका लागि बजेट ल्याउने भएको छ । गएराति १० बजे सम्पन्न मन्त्रीपरिषद बैठकपछि सरकारका प्रवक्ता एवं आर्थिक मामिला तथा योजना मन्त्री कैलाश ढुंगेलले चैत २० गतेभित्र बजेट एवं सरकारका नीति तथा कार्यक्रम सार्वजनिक गरिने जानकारी दिए । मन्त्रीपरिषद बैठकले मन्त्री ढुंगेललाई सरकारको प्रवक्ता तोकेको छ ।
बैठकले स्थानीय तहका पदाधिकारीहरुको सेवा सुविधा पनि निर्धारण गरेको छ । महानगरपालिकाका मेयरले ४६ हजार, उपमेयरले ४० हजार २ सय र वडाध्यक्षले २८ हजार रुपैयाँ पाउने भएका छन् ।
उपमहानगरपालिकाका मेयरले ४० हजार २ सय, उपमेयरले ३५ हजार र वडाध्यक्षले २५ हजार रुपैयाँ पाउनेछन् । नगरपालिकाका मेयरले ३५ हजार, उपमेयरले ३१ हजार र वडाध्यक्षले २२ हजार रुपैयाँ पाउनेछन् । गाउँपालिकाका अध्यक्षले ३१ हजार पाउनेछन् भने उपाध्यक्षले २७ हजार र वडाध्यक्षले २० हजार रुपैयाँ पाउनेछन् ।
स्थानीय तहका पदाधिकारीको सेवा सुविधा संसदबाट पारित गरेपछि मात्रै लागू हुने छ ।