प्रतिनिधिसभाको बैठक आज सोमबार बस्दै छ।
बैठकमा अघिल्लो सरकारले ल्याएका अध्यादेश पेश गर्ने कार्यसुची छ ।
बैठकमा राष्ट्रियसभा सदस्य निर्वाचन अध्यादेश, राष्ट्रिय चिकित्सा शिक्षा अध्यादेश र वेपत्ता व्यक्तिको छानबिन एवम् सत्य निरुपण तथा मेलमिलाप आयोग पहिलो संशोधन अध्यादेश पेश गर्ने तयारी गरिएको संसद सचिवालयका प्रवक्ता भरतराज गौतमले जानकारी दिए ।
राष्ट्रपतिद्वारा जारी अध्यादेश सदन सुरु भएको ६० दिनभित्र संसद्ले अनुमोदन गरी प्रतिस्थापन विधेयक पारित गरिसक्नुपर्ने संवैधानिक व्यवस्था छ । संसद्बाट ६० दिनभित्र प्रतिस्थापन नभए अध्यादेश स्वत: निष्क्रिय हुन्छ ।