काठमाडौँ -बनेपा रूटमा मयुर यातयातलाई रुट इजाजत दिएको भन्दै बिरोधमा उत्रेका यातयात ब्यबसायीलाई सरकारले दरो झड्का दिएको छ । मयुर यातयातलाई दिएको रुट इजाजत खारेज गर्न माग गर्दै कोटेश्वर पुर्व यातायात संचालन गर्ने विभिन्न समितिहरुले आज यातायात ठप्प पारेका थिए । तर सरकारले ति ब्यबसायी बिरुद्द झन् कडा कदम लिदै अन्य व्यवसायीहरुलाई धुलिखेलसम्मको रुट इजाजत लिन आउन आह्वान गरेको छ ।
यातायात व्यवस्था विभागले अरनिको राजमार्ग अन्तरगतको धुलिखेलसम्मको रुट इजाजत लिन आउन यातायात व्यवसायीहरुलाई बुधबार आह्वान गरेको हो । काठमाडौबाट धुलिखेलसम्म ठूला गाडी संचालन गर्न चाहने व्यवसायीहरुलाई अस्थाई वा स्थाई जुन रुट मागेपनि दिने बिभागले जनाएको छ । साथै बिभागले गाडी नचलाउने व्यवसायीको रुट परमिट खरेज गर्ने प्रकृया पनि चलिरहेको बताएको छ।
रुट इजाजत खुला गरेपछि साझा यातायातले रुट लिएर धुलिखेल सम्म नै यातायात संचालन गर्ने भएको छ । साझाले १६ वटा वस बनेपासम्म सञ्चालन गर्न लागेको हो । विहिवारदेखि भने रत्नपार्कबाट धुलिखेलसम्म नै साझाका वसहरु चल्ने छन्।
बिभागले रुट इजाजत लिन आउने अन्य ब्यबसायीलाई पनि आज नै रुट इजाजत दिने बताएको छ ।
