वैदेशिक रोजगार व्यवासायीले ‘फ्री टिकट’को व्यवस्था परिमार्जन गर्न आग्रह गरेका छन् । ‘फ्री भिसा’को व्यबस्था यथावत राखेर ‘फ्रि टिकट’को विषयमा सोच्न उनीहरुले आग्रह गरेका हुन् ।
रोजगारदाता कम्पनीहरुले निशुल्क हवाई टिकट नदिए भारत वा अन्य मुलुकमार्फत कामदारले नै भाडा तिरेर जान सक्ने व्यवस्था गर्नुपर्ने नेपाल वैदेशिक रोजगार व्यवसायी संघको माग छ । फ्री भिसाको व्यवस्था आफूहरुले मानेको तर फ्रि टिकेटको व्यवस्था भने परिमार्जन गर्नुपर्ने उनीहरुको माग छ ।
व्यवसायीहरुले रोजगारदाता कम्पनीले सेवा शुल्क उपलब्ध नगराए वैदेशि रोजगारका लागी विदेश जाने श्रमिकले पाउने एक महिना बराबरको तलव म्यानपावर संस्थाले लिन पाउने व्यवस्था गर्न पनि माग गरेका छन् । सरकारले अहिले गरेको ‘फ्री भिसा’ र ‘फ्रि टिकट’को व्यबस्थाका कारण वैदेशिक रोजगार प्रभावित भएको भन्दै संघले परिमार्जनका लागि सरकारसँग आग्रह गरेको हो ।
