काठमाडौंबाट पोखराका गएको यति एयरलाइन्सको विमान अवतरणको क्रममा अगाडिको पांग्रा ‘लक’ भएपछि पोखरा विमानस्थल बन्द गरिएको छ । अवतरण भएर पार्किङ वेतिर जाँदा विमानको पांग्रा नचलेपछि विमानस्थल बन्द गरिएको पोखरा विमानस्थल कार्यालयले जानकारी दिएको छ । दिउँसो सवा १ बजे जहाज रोकिएपछि विमानस्थल पूर्ण रूपमा बन्द भएको हो ।
२८ जना यात्रु लिएर पोखरा उडेको यतिको ‘९–एनएएचयू’ नम्बरको विमानको प्राविधिक जाँच भइरहेको तर विमानको खराबीको कारण पत्ता लाग्न नसकेको विमानस्थल कार्यालयले जनाएको छ । विमानमा सवार सबै सुरक्षित रहेको बताईएको छ ।
