बाहिरी चक्रपथको पाइलट प्रोजेक्टको रुपमा रहेको चोभार–सतुंगल खण्डको ६.६ किलोमिटर सडक विस्तार गर्नका लागि मन्त्रिपरिषद्ले स्वीकृति दिएको छ। मंगलबार बसेको मन्त्रिपरिषदले चोभार–सतुंगल खण्ड विस्तारको लागि स्वीकृती दिएको हो ।
सरकारले काठमाडौं उपत्यकाको भित्री चक्रपथ आसपास बढ्दै गएको अव्यवस्थित शहरीकरणलाई व्यवस्थित बनाउनका लागि आर्थिक बर्ष २०६२-६३ देखि बनाउने प्रक्रिया अगाडि बढाएको थियो ।
१४ बर्षपछि सरकारले आफ्नो योजनालाई मन्त्रीपरिषद्बारा पास गरेर कार्यान्वयन गर्न लागेको हो। बाहिरी चक्रपथले काठमाडौं उपत्यकाको ३ जिल्लाको ७२ किलोमिटर सडक खण्ड ओगट्ने छ ।
काठमाडौंमा ३५ किलोमिटर, भक्तपुरमा २१ किलोमिटर र ललितपुरमा १६ किलोमिटर बाहिरी चक्रपथको लम्बाई हुनेछ। सरकारले बाहिरी चक्रपथ ल्याडपुलिङको अवधारणमा निर्माण गर्न लागेको हो । जसका लागि चक्रपथ आसपासका करिब ७२०० रोपनी जग्गा विकास गर्ने लक्ष्य राखिएको छ ।
चक्रपथको सडकको चौडाई ५० मिटर हुनेछ भने सडकको दायाँ तथा बायाँ ५ सय मिटर जमिनमा नयाँ शहरका लागि आवश्यक पुर्वाधार निर्माण गरिने छ ।