काठमाडौँ महानगरपालिकाले सडक छेउछाउमा राखिने पैदलमार्ग (फुटपाथ) का पसल हटाउन सुरु गरेको छ । रत्नपार्कबाट हटाउन शुरु गरिएको पसल केही दिनमा सबै स्थानबाट हटाइसक्ने महानगरका सहप्रवक्ता नवराज ढकालले जानकारी दिए ।
अव्यवस्थित रुपमा राखिएको पसलले दुर्घटना बढेको र पैदलयात्रीलाई हिड्न समेत कठिन भएकाले पसल हटाउन यो अभियान थालिएको महानगरले जनाएको छ । नगर प्रहरीको सहकार्यमा पसल हटाउने काम भइरहेको छ, शुरुवातका समयमा सबै स्थानमा नराख्न सुझाव दिने र त्यसपछि पनि राखेमा प्रहरीले सामग्री सहित नियन्त्रणमा लिने र पसल राख्नेले जरिवाना समेत बुझाउनुपर्नेछ । अनुमतिबिना नै त्यस्ता पसल सञ्चालनमा हुने भएकाले तिनको संख्या कति छ भन्ने यकिन तथ्याङ्क छैन ।