विवादास्पद अभिव्यक्तिले चर्चामा रहँदै आएका भारतको लोकसभाका सांसद कीर्ति आजादले जनकपुरधामको बिषयमा विवादास्पद प्रतिक्रिया दिएका छन। भारतीय जनता पार्टीबाट निष्काशित गरिएका आजादले जनकपुरधाम भारतको भन्दै फिर्ता लिन प्रधानमन्त्री नरेन्द्र मोदीसमक्ष माग गरेका छन।
भारतीय प्रधानमन्त्री मोदी जनकपुरधाम भ्रमणमा रहेकै समयमा लोकसभाका सांसद आजादले जनकपुरधाम भारतको भुमि भएको भन्दै फिर्ता लिन मोदीलाई आग्रह गरेका छन। पूर्वमुख्यमन्त्री भागवत झा आजादका छोरा समेत रहेका पुर्व क्रिकेटर आजादले जनकपुरधामलाई भारतमा गाभेर सिता को सम्मान गर्दै मिथिला राज्य गठन गर्न भारती प्रधानमन्त्री मोदी र बिहारका मुख्यमन्त्री नितिश कुमारलाई अनुरोध गरेका छन।
ट्वीटरमा लेखेका छन्, ‘आदरणीय नरेन्द्र मोदी जी, जनकपुरधाम मिथिलाको राजधानीमा तपाईलाई स्वागत छ, दुई सय साल पहिले अंग्रेज र नेपालबीचमा भएको सन्धि जसमा मिथिलाको भाग नेपाललाई दिईएको थियो, समाप्त भएको छ। अनुरोध छ, मिथिलाको यस भागलाई फिर्ता लिएर सीता आमाको आदर गर्दै मिथिला राज्य गठन होस'
आजादको ट्वीट पछि सामाजिक संजालमा नेपाल र भारतीयबीच जनकपुरधामबारे बहस सुरु भएको छ। आजादको विवादास्पद ट्वीटमा नेपालीहरुले आक्रोश पोखेका छन। विवादास्पद छविका आजादलाई यस अघि २०१५ मा अरुण जेट्लीमाथि भ्रष्टाचारको आरोप लगाएपछि पार्टीबाट निष्काशन गरिएको थियो ।
आदरणीय @narendramodi जी, जनकपुर धाम, मिथिला की राजधानी में आपका स्वागत है। दो सौ साल पहले अँग्रेजों और नेपाल क बीच हुई संधि जिसमें मिथिला के भाग को नेपाल को दिया गया समाप्त हो गया है। अनुरोध है इसे वापस लेँ और माँ सीता का आदर करते हुए मिथिला राज्य का गठन करें। @NitishKumar— Kirti Azad (@KirtiAzadMP) May 11, 2018
