अर्थमन्त्री डा.यूवराज खतिवडा नव गठित नेपाल कम्युनिष्ट पार्टी का केन्द्रीय कमिटीमा रहने भएका छन् । एमाले र माओबादी केन्द्र मिलेर बनेको नेकपाको केन्द्रिय कमिटिमा एमालेको तर्फबाट २ सय ४१ र माओबादीको तर्फबाट २०० सदस्य गरी कुल ४४१ जना रहने सहमति थियो ।
एमालेको साविक केन्द्रीय कमिटीमा २०० सदस्य थिए । अब नेकपामा समायोजन हुँदा थप ४१ जना सदस्य थपिने भएका हुन् ।यसै अनुसार नेताहरुले सुची तयार गरिरहेका छन् । थपिएका सदस्यको औपचारिक टुंगो लागि नसकेको भएपनि अर्थमन्त्री खतिवडा कमिटिमा पर्ने पक्का भएका हुन् ।
त्यस्तै सञ्चार तथा सूचना प्रविधि राज्यमन्त्री गोकुल बाँस्कोटा, प्रदेश ३ का मुख्यमन्त्री डोरमणि पौडेल र अर्थमन्त्री कैलाश ढुंगेल , तत्कालीन एमालेका प्रचार विभाग सचिव तथा पत्रकार विष्णु रिजाल, युवा संघका पूर्वअध्यक्ष महेश बस्नेत, पूर्वमन्त्री आनन्द पोखरेल, भरतपुरको मेयरमा हारेका देवी ज्ञवाली लगायत रहेका छन् ।
