नेपाल सरकारको आर्थिक बर्ष २०७५/०७६ को नीति तथा कार्यक्रम आज सोमबार सार्वजनिक भएको छ । मन्त्रिपरिषदको आइतबारको बैठकले राष्ट्रपति विद्यादेवी भण्डारीले सोमबार दिउँसो ४ः०० बजे सरकारको नीति तथा कार्यक्रम संघीय संसद्को संयुक्त सदनलाई सम्बोधन मार्फत प्रस्तुत गर्ने सम्बन्धी प्रस्ताव स्वीकृत गरेको थियो । सोहि अनुसार राष्ट्रपति भण्डारीले दुवै सदनको संयुक्त बैठकमा नीति तथा कार्यक्रम सार्वजनिक गरेकी हुन् ।
स्वास्थ्य सेवाबारे के छ नीति तथा कार्यक्रममा ?
–प्रत्येक स्थानीय निकायमा न्यूनतम १५ शैयाको अस्पताल बनाईनेछ ।
–सय शैयाभन्दा बढी क्षमताका अस्पतालहरुमा जेष्ठ नागरिक वार्डको व्यबस्था गरिनेछ ।
–पाँच वर्षभित्र विशिष्ठतम् उपचारको लागी विदेश जानुपर्ने अवस्थाको अन्त्य गरिनेछ ।
–चिकित्सहरुले नागरिकप्रति गर्ने व्यबहारको लागी चिकित्सक आचारसंहिता निर्माण गरि लागू गरिनेछ ।
–स्वास्थ्य विमा कार्यक्रम व्यापक बनाईने छ ।
–स्वास्थ्य विमाको प्याकेजमा पुनरावलोक गरिने छ ।
–विदुषी योगमाया आयुर्वेद विश्व विद्यालय स्थापना गरिने छ ।
